Lajçak bisedon me Vjosa Osmanin, Lutfi Hazirin dhe Fatmir Limajn
I dërguari special i Bashkimit Evropian për dialogun Kosovë-Serbi, Mirosllav Lajçak ka bërë të ditur se sot ka biseduar me kryetaren e Kuvendit të Kosovës, Vjosa Osmanin, nënkryetarin e LDK-së, Lutfi Hazirin dhe kryetarin e Nismës Socialdemokrate, Fatmir Limajn.
Lajçak ka deklaruar se kanë pasur bisedë kontruktive lidhur me përgatitjet për rifillimin e dialogut.
“Duke vazhduar afrimin tim për rajonin, bisedova me Vjosa Osmanin, Lutfi Hazirin dhe Fatmir Limaj sot. Patëm biseda konstruktive dhe të dobishme për përgatitjet për rifillimin e dialogut dhe situatën në Kosovë. Mezi presim të punojmë së bashku për të mirën e të gjithë njerëzve në Ballkanin Perëndimor”, ka shkruar ai në Twitter.
Continuing my outreach to the region, I spoke to @VjosaOsmaniMP, @LutfiHaziri, @FatmirLimaj today. We had constructive and useful talks on preparations to resume the Dialogue and the situation in Kosovo. Looking forward to working together for the benefit of all people in the WB
— Miroslav Lajčák (@MiroslavLajcak) April 16, 2020