Lajçak bisedon me Kurtin e Rakiqin për dialogun dhe masat ndaj COVID-19
I dërguari special i Bashkimit Evropian për dialogun Kosovë-Serbi, Mirosllav Lajçak, ka thënë se sot ka biseduar me kryeministrin në detyrë, Albin Kurti si dhe kryetarin e pjesës veriore të Mitrovicës, Goran Rakiq.
Lajçak ka shkruar në Twitter se ka qenë një bisedë e dobishme për rifillimin e dialogut.
“Duke vazhduar diskutimet e mia me udhëheqësit politikë në rajon, unë fola me kryeministrin në detyrë, Albin Kurtin dhe Goran Rakiq. Ne patëm bisedime produktive dhe të dobishme në lidhje me rifillimin e Dialogut, reagimin ndaj Covid19 si dhe masat e ndihmës nga Bashkimi Evropian”, ka shkruar ai.
Continuing my discussions with political leaders in the region, I spoke to additional partners including care-taker prime minister @albinkurti and Goran Rakic. We had productive and helpful talks regarding the resumption of the Dialogue, #Covid19 response & ?? assistance measures
— Miroslav Lajčák (@MiroslavLajcak) April 17, 2020
Më 3 prill Miroslav Lajçak është emëruar Përfaqësues i ri Special i BE-së për bisedimet Kosovë – Serbi.
Dialogu Kosovë-Serbi është ndërprerë pas vendosjes së tarifës 100 për qind nga qeveria e Kosovës në nëntor të vitit 2018 si përgjigje ndaj fushatës së çnjohjeve nga shteti i Serbisë.
