Kuvendi do të shqyrtojë sot rishikimin e buxhetit 2020
10.7.2020 - 09:05
Kuvendi i Kosovës në vazhdimin e seancës së sotme do të shqyrtojë edhe rishikimin e buxhetit për vitin 2020.
“Shqyrtimi i parë i Projektligjit nr.07/L-014 për plotësimin dhe ndryshimin e Ligjit nr.07/L-001 mbi ndarjet buxhetore për Buxhetin e Republikës së Kosovës për vitin 2020”, është pika e fundit e rendit të ditës së seancës së sotme.
Komisioni për Buxhet dhe Transfere më 8 korrik ka miratuar rishikimin e buxhetit për vitin 2020.
Ky projektligj tashmë është proceduar për miratim në Kuvendin e Kosovës.
Qeveria po kërkon rishikimin e buxhetit për të implementuar fondin për rimëkëmbje ekonomike për shkak të COVID-19.
