Kurti vizitoi Komunat e Fushë-Kosovës dhe Obiliqit

Kryeministri në detyrë, Albin Kurti, ka vizituar qytetet e Obiliqit dhe Fushë-Kosovës, ku është takuar me kryetarët e këtyre dy komunave.

Bashkë me kryeministrin në detyrë, në këto vizita ishte edhe ministrja në detyrë e Pushtetit Lokal, Emilja Rexhepi.

Kurti është njoftuar për së afërmi nga kryetarët e komunave për respektimin e masave të institucioneve të shëndetësisë përballë pandemisë COVID-19.

“12 marketet e mëdha janë duke u zbatuar masat e qeverisë dhe këshillat e profesionistëve. Thirrja për dezinfektimin e karrocave e shportave në markete është duke zbatuar, sikurse edhe praktika që nëpër furra të bukës një person të bëjë pagesat kurse tjetri tjetri të​ ofrojë shërbimin. Deri tani janë katër raste të konfirmuara me virus e dy prej tyre të shëruar”, thuhet në komunikatën e Qeverisë për vizitën e Kurtit në Fushë-Kosovë.

“Kurse, në Kastriot, kryetari z. Xhafer Gashi, i cili njëherit është ushtrues detyre i Kryetarit të Asociacionit të Komunave të Kosovës (AKK) i ofroi tërë kapacitetet e tij edhe si kryetar komune por edhe si u.d. i kryetarit të AKK-së për t’i shpërndarë masat e qeverisë dhe për t’u siguruar që ato po zbatohen”, thuhet tutje në komunikatë.