Foto: ZKM
Kurti uron Trumpin për fitoren
Kryeministri i Kosovës, Albin Kurti e ka uruar kandidatin republikan, Donald Trump, për fitoren në zgjedhjet presidenciale në Shtetet e Bashkuara të Amerikës (SHBA).
Teksa thekson se SHBA-ja është një aleate kyçe për Kosovën, Kurti u shpreh se mezi pret që të punojë me Trumpin për përparim dhe paqe.
“Urime president Donald Trump, për fitoren tuaj elektorale. SHBA-ja është një aleate kyçe, mike dhe partnere për Kosovën dhe mezi presim të punojmë së bashku për përparim dhe paqe”- ka shkruar Kurti në rrjetin social X.
Congratulations President @realDonaldTrump on your electoral victory. The US is a key ally, friend and partner to Kosova and we look forward to working together for progress and peace.
— Albin Kurti (@albinkurti) November 6, 2024
Donald Trump është zgjedhur presidenti i 47-të i Shteteve të Bashkuara të Amerikës.
Trump do të rikthehet në Shtëpinë e Bardhë, pas fitores ndaj demokrates, Kamala Harris, e cila nuk ia doli të bëhej presidentja e parë grua në Amerikë.
Republikani Trump 78-vjeçar, ka siguruar votat e 270 anëtarëve të Kolegjit Elektoral, aq sa ishin të nevojshme për t’u bërë president.
Trumpi e ka shpallur fitoren dhe ka paralajmëruar lidership të fuqishëm të Shteteve të Bashkuara të Amerikës.
Donald Trump ka qenë president i SHBA-së nga viti 2017 deri më 2021.
