Kurti tha se marrëdhëniet me SHBA-të kurrë s'kanë qenë më mirë

Pas deklaratës së kryeministrit kosovar Albin Kurti se marrëdhëniet me SHBA-të kurrë nuk kanë qenë më mirë, ka reaguar Richard Grenell, i emëruar nga presidenti amerikan Donald Trump si Emisar Presidencial për Misione të Posaçme.

Grenell e ka quajtur Kurtin deluzional.

“Marrëdhëniet kurrë nuk kanë qenë në nivel më të ulët. Albin Kurti është dënuar nga Administrata e parë Trump, Administrata e Bidenit, NATO, BE, Ambasada e SHBA-së, Anthony Blinken etj.” – shkruan Grenell në X.

Delusional.
Relations have never been lower. Albin Kurti has been condemned by the first Trump Administration, the Biden Administration, NATO, the EU, the U.S. Embassy, Anthony Blinken, etc. https://t.co/jiqMrrk18d
— Richard Grenell (@RichardGrenell) February 7, 2025

Kryeministri Albin Kurti u pyet gjatë një interviste në TV Istogu Channel për deklaratën e Grenellit, më 03.02.2025, i cili ka thënë se Kurti nuk është i afërt me amerikanët dhe se komuniteti ndërkombëtar janë të bashkuar kundër tij.

Ndonëse Kurti nuk pranoi të japë qëndrim direkt sa i përket deklaratave të Grenellit, ai thotë se marrëdhëniet me SHBA-në kurrë më mirë nuk kanë qenë.

“Tërë jetën kam qenë aktivist, por jo analist. Kurrë më mirë nuk i kemi pasur (marrëdhëniet me SHBA-në). Po blejmë edhe helikopterë ‘Black Hawk’, Sistemin ‘Javelin’ anti-tank, grantin më të madh ndonjëherë prej SHBA-së Kosova e ka marrë në mandatin tonë, Korporata e Sfidës së Mijëvjeçarit për bateritë. Bateritë do t’i kemi në Istog dhe në Ferizaj. Ne e kemi bërë avancimin, kur raportin me Amerikë nuk e kemi veç diplomatik, por e kemi edhe në mbrojtje e gjithashtu edhe në zhvillim e energji. Kurrë ma mirë nuk u kanë. A ka nganjëherë kritika? A ka vërejtje? Po, ne duhet me ec përpara.” – ka deklaruar Kurti.

I emëruari nga presidenti amerikan Donald Trump, në rrjetin social X, më 03.02.2025 ka thënë se Qeveria Kurti nuk ka qenë e besueshme.

Sipas tij “Republikanët dhe demokratët kanë kritikuar Kurtin vazhdimisht për ndërmarrje të njëanshme të veprimeve dhe destabilizim të rajonit”.

Ai ka shtuar se Kurti po mashtron duke thënë se është i afërt me amerikanët.

Jeffrey Hovernier, ambasadori i fundit amerikan në Kosovë, pas takimit lamtumirës me kryeministrin Albin Kurti fliste për bashkëpunim të ngushtë e progres të Kosovës.

“Ne diskutuam përparimin e Kosovës gjatë mandatit tim dhe bashkëpunimin e ngushtë që do t’i mundësonte Shteteve të Bashkuara të avokojnë në mënyrë më efektive që Kosova të zërë vendin e saj të merituar në strukturat evropiane dhe euroatlantike.” – thuhet në postimin e Ambasadës amerikane.

Held my farewell call with Prime Minister @albinkurti today. We discussed Kosovo’s progress during my tenure and the close cooperation that would enable the United States to most effectively advocate for Kosovo to take its rightful place in European and Euro-Atlantic structures. pic.twitter.com/QimwGIsDS1
— Official account of the U.S. Ambassador to Kosovo (@USAmbKosovo) December 26, 2024

Grenelli në anën tjetër thotë se Kurti u kritikua për veprimet e tij edhe nga BE, edhe nga NATO.

“Komuniteti ndërkombëtar janë të bashkuar kundër Kurtit.” – shkruan tutje ai.

I have many friends in Kosovo and Albania…and many friends in Serbia and throughout the region.
The Trump Administration has worked and will continue to work towards peace for everyone in the Balkans.
But we need trustworthy partners.

The Kurti Government was not…
— Richard Grenell (@RichardGrenell) February 3, 2025

Këto janë vetëm dy nga shkrimet e Grenellit për Qeverinë Kurti. Nga data 22.01.2025 ai ka shkruar katër herë në X duke kritikuar Kurtin.

Më 22.01.2025, Grenell reagoi ndaj një deklarate të kryeparlamentarit Glauk Konjufca i cili kishte thënë se Administrata Biden ka vendosur Kosovën në disavantazh ndaj Serbisë.

“Ata kaluan 4 vjetët e fundit duke komplimentuar Joe Biden dhe duke marrë pjesë në Konventat dhe festat e tij. Pse nuk u ankuan kurrë më parë?” – shkruante Grenell në X.

They spent the last 4 years complimenting Joe Biden and attending his conventions and parties.
Why didn’t they ever complain before? https://t.co/Ca6XhODOYY

— Richard Grenell (@RichardGrenell) January 22, 2025

Më 23.01.2025 Grenelli ka shkruar për kryeministrin Kurti, se thoshte se marrëdhëniet Kosovë-SHBA kanë ‘vuajtur’ gjatë Presidencës Biden.

“Departamenti i Shtetit i Bidenit dhe Shtëpia e Bardhë kritikuan veprimet dhe paaftësinë e Kurtit për të rritur ekonominë e Kosovës. Kurti zgjodhi grindjet politike dhe ndërmori veprime të njëanshme. Ai solli marrëdhëniet Kosovë-SHBA në një pikë të ulët. Ai u dënua nga udhëheqësit evropianë, NATO dhe ekipi i Joe Biden.” – shkruante Grenell, duke shtuar se edhe pse Kurti ka mbështetur Bidenin dhe Harrisin, prapë u kritikua nga ata.

The U.S. relationship with Kosovo suffered during Joe Biden’s presidency.
Biden’s State Department and White House criticized Kurti’s actions and inability to grow Kosovo’s economy.
Kurti picked political fights and took unilateral action. He brought Kosovo-U.S. relations to… https://t.co/63RXn8r1hH
— Richard Grenell (@RichardGrenell) January 23, 2025

Richard Grenell, i cili që në Presidencën e parë të Trumpit ka shërbyer edhe si Emisar i SHBA-së për Dialogun Kosovë-Serbi, kishte pasur mospajtime me Albin Kurtin në mandatin e tij të parë.

Kurti kishte deklaruar në Euronews, më 28.04.2020, se ambasadori Grenell nuk ishte neutral në rolin e tij.

Ndër Vendimet e para të Qeverisë Kurti në atë kohë kishte qenë vendosja e masave të reciprocitetit me Serbinë – Vendim ky me të cilin nuk ishte pajtuar në atë kohë Grenell dhe kishte bërë thirrje të vazhdueshme për t’u larguar.

“Grenell në tetor dhe në janar ka qenë në Kosovë dhe unë e kam takuar dy herë. Fillimisht pati thënë që Kosova duhet ta heqë tarifën, ndërsa në anën tjetër Serbia duhet ta ndërpresë fushatën kundër Kosovës. Mirëpo, kur shkoi në Beograd në janar këtë pjesën e dytë e hoqi dhe thoshte se vetëm Kosova duhet ta heqë tarifën dhe trysnia e tij në fillim u shpreh me një lloj insistimi që nuk donte të diskutohej.” – deklaronte Kurti në prill 2020, disa javë pasi ishte shkarkuar nga Kuvendi i Kosovës përmes partnerit të atëhershëm qeverisës, LDK-së.

Kurti e kishte akuzuar Grenellin se ka qenë drejtpërdrejt i përfshirë në mocionin e mosbesimit të thirrur nga LDK, për të shkarkuar atë dhe Qeverinë e tij.

“Pra, ai ka pasur një rol joneutral. Më shumë një rol aktiv. Bëhet fjalë për një Emisar shumë të rëndësishëm, mirëpo gjithashtu unë nuk kam pranuar që ta vë në pikëpyetje interesin e Kosovës, sepse reciprociteti është gjëja më normale në marrëdhëniet në mes të dy vendeve. Mendoj se ai ka qenë i interesuar për një Marrëveshje sa më të shpejtë.” – kishte thënë mes të tjerash Kurti në këtë intervistë, më 28.03.2020.

Por, më shumë se 1 vjet më vonë pas një debati të ringjallur në publik se kush ishte arsyeja kryesore e shkarkimit të Qeverisë Kurti 1, ish-kryetari i LDK-së në atë kohë, Isa Mustafa kishte përgënjeshtruar se Richard Grenell i kishte kërkuar LDK-së shkarkimin e Qeverisë.

“z. Richard Grenell nuk ka kërkuar asnjëherë nga LDK sa unë kam qenë Kryetar i saj, që të rrëzohet Qeveria Kurti 1. Dhe, askush nga SHBA. LDK s’ka marrë porosi të tilla dhe afate.” – kishte shkruar Isa Mustafa.

Pas rrëzimit të Qeverisë Kurti 1, drejtimin e Qeverisë e kishte marrë deri në atë kohë zëvendësi i tij, Avdullah Hoti.

Avdullah Hoti ishte bërë Kryeministër, më 03.06.2020, përmes një Koalicioni mes LDK-së, AAK-së, Nismës e Listës Serbe. Ai kishte marrë 61 vota pro.

Disa muaj më vonë, më 4 shtator, në Shtëpinë e Bardhë ishte nënshkruar Marrëveshja e Uashingtonit.

Por, në dhjetor 2020 kishte rënë Qeveria Hoti pas një Vendimi të Gjykatës Kushtetuese, e cila kishte konstatuar se njëra nga votat që e kishte bërë Kryeministër Avdullah Hotin ishte e paligjshme.

Sipas Vendimit të Kushtetueses vota e deputetit Arifi e cila ka qenë vendimtare për Qeverinë Hoti është shpallur e pavlefshme, pasi që të njëjtin Gjykata e Apelit e kishte dënuar me 1 vjet e 3 muaj burgim për veprën penale: “mashtrim me subvencione”.

Zgjedhjet që u mbajtën pas rënies së Qeverisë Hoti, më 14.02.2021, u fituan nga Lëvizja Vetëvendosje dhe Guxo, me mbi 50%.

Kurti thotë se marrëdhëniet me Kosovë – SHBA kurrë nuk kanë qenë më mirë