Kurti takoi homologun maqedonas, biseduan edhe për projektin për rrugën Prizren-Tetovë

Kliko këtu, bashkohu në grupin e KALLXO në Viber dhe informohu në kohë reale me lajmet kryesore gjatë ditës

_________________________________________________________________________________

Gjatë pjesëmarrjes në Forumin Ekonomik në Shkup, kryeministri i Republikës së Kosovës, Albin Kurti ka zhvilluar takim me homologun maqedonas, Dimitar Kovaçevski.

Në komunikatën e Zyrës së Kryeministrit thuhet se Kurti e Kovaçevski diskutuan për marrëdhëniet mes dy vendeve dhe projektet e përbashkëta.

“Rritja e efikasitetit të kalimit të kufirit për qytetarët e Kosovës dhe Maqedonisë së Veriut në drejtim të njëra-tjetrës dhe projekti i rrugës Prizren-Tetovë ishin dy prej çështjeve me theks të veçantë”- thuhet në njoftim.

Tutje, theksohet se në takim u trajtua edhe mundësia e organizimit të një forumi të përbashkët të biznesit.