Kurti takohet me Sekretaren britanike për Punë të Jashtme

Kryeministri i Kosovës, Albin Kurti është takuar me Sekretaren britanike për Punë të Jashtme, Liz Truss.

Truss në një postim në “Twitter”, ka cekur disa prej temave që kanë diskutuar me kryeministrin Kurti.

“Ne diskutuam për forcimin e marrëdhënieve tona dypalëshe, veprimet galvanizues kundër pushtimit të paligjshëm të Ukrainës nga Rusia, sfidat e ndikimit malinj në Ballkanin Perëndimor”, ka thënë Truss.

Great to meet Prime Minister of Kosovo @albinkurti. We discussed:

👉 Strengthening our bilateral relationship 🇬🇧🇽🇰

👉 Galvanising action against Russia’s illegal invasion of Ukraine

👉 Challenging malign influence in the Western Balkans pic.twitter.com/QslDip6msL

— Liz Truss (@trussliz) June 7, 2022

Kryeministri Albin Kurti sot është pritur në takim nga ministri i Forcave të Armatosura të Mbretërisë së Bashkuar, James Heappey.

Sipas njoftimit të Qeverisë, në këtë takim palët kanë diskutuar për fushën e mbrojtjes, ku Britania e Madhe është falënderuar për ndihmën që i ka dhënë institucioneve mbrojtëse të Kosovës.

Kurti ka udhëtuar të hënën për në Mbretërinë e Bashkuar.

Muajve të fundit, Kurti ka zhvilluar vizitë disa javore në Shtetet e Bashkuara të Amerikës, e më pas disa ditë në Zvicër.

Kurti takon ministrin e Forcave të Armatosura të Mbretërisë së Bashkuar