Kurti takohet me bashkatdhetarë në Bruksel, ju premton kushte për të investuar në Kosovë

Kryetari i Lëvizjes Vetëvendosje, Albin Kurti ka takuar në Bruksel një numër të bashkatdhetarëve. Ai para tyre ka theksuar se do të ketë lehtësim të votimit për ta dhe krijimin e mundësimin e kushteve për investime në vendlindje.

Njoftimi i plotë i LVV-së:

Mbrëmë, në Bruksel, një numër i madh bashkatdhetarësh pritën Kryetarin e Lëvizjes dhe Kryeministrin e ardhshëm, Albin Kurti.

Të pranishëm në tubimin ishin dhe aktivistja Teuta Fazliu, Kryetari i Qendrës së Lëvizjes në Belgjikë, Bujar Krasniqi dhe Kryetari i Pikës sonë në Anvers, Ilir Morina.

Kryetari Kurti ripotencoi edhe një herë zotimet për mërgatën të cilat do të realizohen nga qeverisja e ardhshme. Nga lehtësimi i votimit e deri te krijimi dhe mundësimi i kushteve për investime të bashkatdhetarëve në vendlindje ishin vetëm disa temat e diskutuara.

Poashtu Albin Kurti, sot, së bashku me delegacionin vizituan edhe njërën nga shkollat shqipe në Bruksel.