Kurti takohet me ambasadorin zviceran
10.10.2019 - 19:13
Lideri i Lëvizjes Vetëvendosje, Albin Kurti është takuar sot me ambasadorin zviceran, Jean-Hubert Lebet.
Sipas një njoftimi për media nga kjo parti, Jean Hubert Lebet e uroi kryetarin Kurti për rezultatin zgjedhor dhe për fushatën që adresoi me sukses shqetësimet e qytetarëve.
Kurse, Kurti e njoftoi se prioritet i qeverisë së re do të jetë shtetndërtimi demokratik me sundim të ligjit e luftim të korrupsionit, zhvillimi ekonomik për punësim dhe ndryshimet aq të nevojshme në shëndetësi, arsim, e kujdes për ata që kanë më së shumti nevojë.
Në fund thuhet se në mbyllje të takimit, u shpreh interesimi për kontakte dhe takime bashkëpunuese në të ardhmen.