Kurti: Propozimi franko-gjerman shërben si bazë e mirë për diskutime të mëtejshme
Kryeministri Albin Kurti bashkë me presidenten Vjosa Osmani sot janë pritur nga presidenti i Francës, Emmanuel Macron, në Paris.
Temë diskutimi mes Kurtit, Osmanit e Macron kanë qenë zhvillimet e fundit mes Kosovës dhe Serbisë.
Kryeministri ka theksuar se Kosova ka propozuar kornizën e përgjithshme të marrëveshjes, ndërsa propozimi franko-gjerman do të shërbejë si bazë e mirë për diskutime të mëtejshme.
“Në takimin e përbashkët me Presidenten Osmani, biseduam për thellimin e marrëdhënieve bilaterale në mes të dy shteteve, dialogun për marrëveshje Kosovë-Serbi, si dhe zhvillimet e fundit. Potencuam se Kosova ka propozuar kornizën e përgjithshme të marrëveshjes, ndërsa propozimi franko-gjerman shërben si bazë e mirë për diskutime të mëtejshme”- tha Kurti në facebook.
Presidentja Osmani dhe kryeministri Kurti priten nga presidenti francez, Emmanuel Macron