Kurti pret në takim zyrtarin e lartë amerikan, Derek Chollet

Kryeministri i vendit, Albin Kurti ka filluar takimin me Zyrtarin e Lartë të Departamentit të Shtetit, Derek Chollet.

Takimi do të jetë i mbyllur për media.

Chollet erdhi në ndërtesën e qeverisë pas takimit të mbyllur që pati me presidenten e Kosovës, Vjosa Osmani.

Në takimin në Presidencë kanë qenë të pranishëm edhe ambasadori i ShBA-së në Kosovë, Jeff Hovenier dhe Emisari i Shteteve të Bashkuara të Amerikës për Ballkanin Perëndimor, Gabriel Escobar.

Sipas njoftimit të Departamentit Amerikan të Shtetit, vizita e Chollet  në Kosovë është bërë për t’i diskutuar përpjekjet e SHBA-së për ta ndihmuar avancimin e Kosovës drejt integrimit euroatlantik, “përfshirë këtu arritjen e një marrëveshje gjithëpërfshirëse mes Kosovës dhe Serbisë përmes dialogut të lehtësuar nga BE-ja, që në qendër do ta kishte njohjen reciproke”.

Përveç Kosovës, ai do të vizitojë edhe Maqedoninë e Veriut dhe Serbinë.

Osmani pret zyrtarin e lartë amerikan Chollet, nuk pritet të flasin para mediave pas takimit