Albin Kurti, Foto: Zyra e Kryeministrit

Kurti po merr pjesë në tryezën e rrumbullakët me Qeverinë e Greqisë

Me ftesë të kryeministrit të Greqisë, Kyriakos Mitsotakis, kryeministri i Kosovës, Albin Kurti, po merr pjesë në tryezën e rrumbullakët me Qeverinë e Greqisë, në Athinë.

Siç ka njoftuar zyra për media e Kryeministrisë, në këtë tryezë, të 25-tën me radhë, organizuar nga Qeveria e Greqisë dhe prestigjiozja britanike “The Economist” po marrin pjesë kryeministra e ministra të vendeve të ndryshme, zyrtarë qeveritarë, vendimmarrës, drejtues të korporatave dhe akademikë.

“Me temën “Nga distancimi social te solidariteti social”, kjo tryezë është hapësirë për dialog mbi çështjet që përcaktojnë botën, bazuar në përvojat e shteteve në ballafaqim me pandeminë COVID-19 dhe përpjekjet e përbashkëta për shoqëri më të qëndrueshme e më të barabarta”, thuhet në njoftim.

Greqia është njëri nga pesë vendet në Bashkimin Evropian që nuk e ka njohur pavarësinë e Kosovës.