Kreyministri Albin Kurti në takimin me Përfaqësuesin e Lartë të BE-së, Josep Borrell dhe emisarin Miroslav Lajçak. FOTO: Albin Kurti/Twitter.
Kurti në Twitter tregon se çka bisedoi me Josep Borrell dhe Miroslav Lajcak
Kryeministri i Kosovës, Albin Kurti ka njoftuar se ka përfunduar tashmë takimin me Përfaqësuesin e Lartë të BE-së, Josep Borrell dhe emisarin për dialogun, Miroslav Lajçak gjatë qëndrimit të tij në Forumin e Bratisllavës GLOBSEC2023 në Sllovaki.
Kurti përmes një njoftimi në Tëitter ka thënë se “sulmet e milicisë serbe” ndaj Policisë, KFOR-it dhe gazetarëve janë të papranueshme.
“Në udhëtimin tim ditor në GLOBSEC2023 Jam takuar me Josep Borrell dhe Miroslav Lajçak. Ritheksova se sulmet e milicisë serbe ndaj Policisë, KFOR-it dhe gazetarëve janë të papranueshme. Rruga përpara është e rrënjosur në demokraci, sundim të ligjit dhe zbatim të plotë dhe të shpejtë të Marrëveshjes Themelore”- ka shkruar kreu i Qeverisë së Kosovës në Twitter.
On my day trip to @GLOBSEC I met w/ 🇪🇺 HR/VP @JosepBorrellF & SR @MiroslavLajcak. Restated that attacks by Serbian militia on Police, KFOR & journalists are unacceptable. The path forward is rooted in democracy, rule of law & the complete & swift implementation of the Basic Agmt. pic.twitter.com/bF6VNbiod0
— Albin Kurti (@albinkurti) May 31, 2023
Kurti gjithashtu sot ka deklaruar gatishmërinë e tij për t’i dëgjuar protestuesit në veri, në rast se ata të kërkojnë zgjedhje të parakohshme.
Që nga 26 maji në komunat me shumicë serbe të Zubin Potokut, Zveçanit dhe Leposaviqit janë shkaktuar tensione pasi Policia e Kosovës u ndihmoi kryetarëve shqiptarë të këtyre komunave që të futen në zyrat e tyre komunale, më 26 maj.
