Kurti: Medalja e Krasniqit lartësoi vendin tonë, Kosova mbetet shtet i xhudos
Shefi i Qeverisë së Kosovës, kryeministri Albin Kurti ka reaguar pas fitores së medaljes së parë në Lojërat Olimpike Paris 2024.
Medalja e argjendtë u fitua nga xhudistja Distria Krasniqi, në ndeshjet për femra në kategorinë deri në 52 kg.
“Xhudistja e Uzbekistanit në minutin e fundit të finales i largohej Distrias duke e ruajtur epërsinë minimale gjersa kishte edhe një vërejtje” – tha Kurti.
Tutja si shtoi se Distria sot gjatë ditës fitoi tri ndeshje, të parën për 39 sekonda, të dytën për 66 sekonda e të tretën për 6 minuta e 10 sekonda – 2:10 sekonda në vazhdimin që quhet Golden Score.
“Jemi krenarë me këtë rezultat që lartëson vendin tonë në sportin elitar botëror dhe e konfirmon që Kosova mbetet Shtet i Xhudos. Të falemnderit Distria për gëzimin dhe shembullin që na jep” – u shpreh Kurti.
Xhudistja Krasniqi ka arritur të sigurojë medaljen e argjendtë në Lojërat Olimpike Paris 2024.
Ajo në finale u përballe me Diyora Keldiyorova të Uzbekistanit, me të cilën ka një humbje nga po aq përballje në karrierën e saj.
Në Olimpiadën e Parisit, Kosova po merr pjesë me nëntë sportistë: pesë xhudistë, një boksiere, një sportiste në atletikë dhe dy notarë.
