Kryetari i Vitisë: Të mbështeten fermerët pasi punët e bujqësisë nuk presin

Kryetari i Komunës së Vitisë, Sokol Haliti, ka pritur në takim ministrin në detyrë të Bujqësisë, Pylltarisë dhe Zhvillimit Rural, Besian Mustafa, me të cilin kanë biseduar lidhur me gjendjen e përgjithshme të krijuar nga pandemia e coronavirusit si dhe rreth masave dhe veprimeve në fushën e bujqësisë.

Kryetari Haliti i dha disa informata  ministrit Mustafa mbi gjendjen  aktuale si dhe organizimin që po bën komuna për t`u përballur me pandeminë dhe për t`iu dalë në ndihmë qyetarëve në të gjitha aspektet.

“Kemi marrë masa dhe jemi në mbikëqyrje të lokaliteteve që janë identidifikuar si vatra të infeksionit. Jemi të përkushtuar njëqindpërqind që të jemi në shërbim të qytetarëve”, ka thënë Kryetari Haliti njofton Komuna e Vitisë.

Haliti tutje ka thënë se segment i veçantë i interesimit tonë është bujqësia, fermerët, sepse tani është koha e mbjelljeve dhe duhet të verpojmë e  t`ju hapim rrugë, sepse punët e bujqësisë nuk presin.

Kryetari Haliti e ka njoftuar ministrin Mustafa edhe me projektet e realizuara dhe ato që do të realizohen në Komunën e Vitisë në fushën e bujqësisë si dhe me mbështetjen që po iu jepet fermerëve nga kjo komunë.

Ministri në detyrë Besian Mustafa tha se përmes vizitave në terren po njihet më afër me shqetësimet dhe problemet e secilit fermer, për të cilat do të angazhohet në vazhdimësi që t’i adresoj në mënyrën më të mirë të mundshme.

“Për fatin e keq të fermerëve pandemia  erdhi në kohën e punëve pranverore në bujqësi. Jemi munduar të thjeshtojmë burokracinë dhe me masat që kemi ndërmarrë, pas situatës së krijuar në vend, po mundohemi të krijojmë kushte më të përshtatshme për punë për të gjithë bujqit në vend, sidomos në komunat me potencial më të madh bujqësor”, ka thënë ministri në detyrë Mustafa.

Ai njoftoi se për 2-3 javë do të fillojnë të shpallen grantet dhe subvencionet për bujq, prandaj porositi zyrtarët e Komunës së Vitisë që të fillojnë përgatitjet për këtë.

Do NOT follow this link or you will be banned from the site!