Foto: Urim Krasniqi/KALLXO.com
Kryetari i Obiliqit, Xhafer Gashi, në negociata për t’iu bashkuar LDK-së
Kryetari i Komunës së Obiliqit, Xhafer Gashi, së bashku me anëtarësinë e Iniciativës Qytetare për Obiliqin, janë duke negociuar mundësinë e bashkimit me Lidhjen Demokratike të Kosovës (LDK).
Kështu kanë bërë të ditur për KALLXO.com burime të afërta me kryetarin Gashi.
KALLXO.com i ka dërguar pyetje Gashit por ai nuk është përgjigjur deri në publikimin e këtij teksti.
Gjithashu, KALLXO.com i ka dërguar pyetje edhe kreut të LDK-së, Lumir Abdixhikut, si dhe zyrtares për media të këtij partie, Sibel Halimi, por nuk janë përgjigjur.
Në balotazhin e 14 nëntorit 2021, Xhafer Gashi, i cili garonte me Iniciativën Qytetare për Obiliq, ka marrë edhe një mandat në krye të kësaj komune.
Ai ka fituar 61,41% të votave, ndërsa Halil Thaçi nga Lëvizja Vetëvendosje ka fituar 38,59% të votave.