Ragip Begaj. Foto: Urim Krasniqi/KALLXO.com
Kryetari i Malishevës, Ragip Begaj rezulton negativ nga COVID-19
26.11.2020 - 16:25
Kryetari i Komunës së Malishevës, Ragip Begaj është shëruar nga COVID-19, por që ende është duke u trajtuar në Klinikën Infektive të QKUK-së.
Lajmin e ka bërë të ditur komuna, përmes një publikimi në Facebook.
“Kryetari i Komunës së Malishevës, Ragip Begaj, ndonëse është duke trajtuar ende në Klinikën Infektive në QKUK, në testin e fundit për Covid-19, ka rezultuar negativ. Kjo është konfirmuar nga familjarët e kryetarit, të cilët janë informuar për rezultatin e testit të fundit”, thuhet në njoftim.
Sipas komunës, gjendja shëndetësore e kryetarit Begaj, ditëve të fundit është më e mirë dhe dita ditës është duke u përmirësuar.