Kryeqyteti mban primatin me numrin e infektimeve nga COVID-19

Instituti Kombëtarë i Shëndetësisë Publike njoftoi se në 24 orët e fundit në Kosovë vdiqën 9 pacientë me COVID-19. 145 raste dolën pozitivë ndërsa 144 të tjerë u shëruan.

Komuna e Prishtinës vazhdon të jetë e para për nga numri i të infektuarve. Vetëm gjatë 24 orëve të fundit, në kryeqytet u regjistruan 45 raste.

Sipas IKSHP-së rastet pozitive janë nga: komuna Prishtinë 45 raste, komuna Mitrovicë 13 raste, komuna Pejë 10 raste, komuna Lipjan 8 raste, komuna Prizren 7 raste, komuna Ferizaj 7 raste, komuna Drenas 6 raste, komuna Gjilan 6 raste, komuna Skenderaj 6 raste, komuna Gjakovë 5 raste, komuna Malishevë 5 raste, komuna Vushtrri 5 raste, komuna Podujevë 4 raste, komuna Suharekë 4 raste, komuna Viti 4 raste, komuna Klinë 2 raste, komuna Obiliq 2 raste dhe me nga një rast komunat Kaçanik, Deçan, Fushë Kosovë, Han i Elezit, Rahovec dhe Shtime.