Kryeprokurori i Shtetit i bashkohet fushatës kundër dhunës në baza gjinore
03.12.2021 - 14:07
Kryeprokurori i Shtetit, Aleksandër Lumezi i është bashkuar shënimit të fushatës globale “16 ditët e aktivizimit kundër dhunës në baza gjinore”.
Ai ka thënë se këto ditë janë thirrje dhe veprim për eliminimin e dhunës ndaj grave.
I njëjti ka siguruar qasje në drejtësi dhe mbrojtje institucionale për të gjitha gratë, që kanë pësuar nga aktet e ndryshme të dhunës.
Fushata “16 ditët e aktivizimit kundër dhunës në baza gjinore” zhvillohet çdo vit në vende të ndryshme të botës dhe ka për qëllim eliminimin e dhunës në baza gjinore.
Kjo fushatë koordinohet nga Zyra e UN Woman-it në Kosovë.