Kryeprokurori: 22-vjeçari vdiq duke pastruar kazanët e pompës së derivateve
Kryeprokurori i Prishtinës, Imer Beka, ka dhënë detaje për rastin e vdekjes së të riut 22 vjeçar nga Mushtishti.
Beka tha për KALLXO.com se viktima ka vdekur duke i pastruar kazanët e derivateve të një pompe ku ai punonte.
“Kompania në të cilën ka punuar i riu është ‘Lab Oil’ , viktima ka qenë duke punuar aty edhe duke i pastruar kazanët me lëndë djegëse, makina ia ka kapur dorën si pasojë e plagëve ka vdekur. Rasti njëherë është duke u trajtuar si vdekje e dyshimtë”, tha ai.
Beka shtoi se autopsia e trupit të viktimës do të bëhet nesër.
Krenar Jemini, i lindur më 1997, ka humbur jetën në një aksident në vendin e punës në zonën e Lipjanit.
Policia e Prishtinës njoftoi se rreth orës 11:00 stacioni policor i Graçanicës ka marrë informacion për vdekjen e një personi në vendin e punës.
https://kallxo.com/i-riu-qe-vdiq-ne-vendin-e-punes-djale-i-policit/