Kryeministri Kurti uron presidentin e Turqisë, Recep Tayyip Erdogan

Kryeministri i Kosovës Albin Kurti ka uruar presidentin turk, Recep Tayyip Erdogan, i cili ka fituar edhe një mandat për të drejtuar vendin e tij.

Recep Tayyip Erdogan ka shpallur fitoren në rrethin e dytë të zgjedhjeve presidenciale të mbajtur sot.

Në emër të Qeverisë dhe të popullit të Kosovës, kryeministri Kurti i ka shprehur urimet e sinqerta presidentit Erdogan.

“Ne e vlerësojmë lartë kontributin personal të Presidentit Erdoğan dhe të Republikës së Turqisë në përkrahjen e vazhdueshmë për Republikën e Kosovës” – thuhet në njoftimin e Qeverisë.