Albin Kurti - Foto: ZKM
Kryeministri Kurti mban konferencë për media
Kryeministri në detyrë, Albin Kurti, së bashku me ministren e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike, Rozeta Hajdari, do të mbajnë konferencë për media.
Konferenca do të mbahet prej orës 17:00 në oborrin e ndërtesës së Qeverisë së Kosovës.
Më herët, Prokuroria e Prishtinës ka njoftuar se ka pranuar një informatë nga Policia e Kosovës nëpërmjet një e-mail – shënim zyrtar nga ministrja Rozeta Hajdari.
Ky e-mail – shënim ka lidhje me një incident që ka ndodhur më 24 prill në Telekomin e Kosovës, gjatë një mbledhjeje të bordit të Telekomit.
Prokuroria ka njoftuar se pas analizimit të këtij rasti kanë autorizuar Policinë e Kosovës për ndërmarrjen e të gjitha veprimeve të nevojshme hetimore lidhur me sqarimin e rastit në fjalë.
Ndërsa pak para se të fillonte mbledhja e bordit, kryeshefi ekzekutiv tashmë i shkarkuar Bedri Istrefi në një konferencë për media kishte bërë thirrje bordit të mos e dëgjojë kryeministrin në detyrë, Albin Kurti, i cili, sipas tij, “e shkel Kushtetutën çdo ditë”.