Nikol Pashinian

Kryeministri armen dhe familja e tij infektohen me coronavirus

Kryeministri i Armenisë, Nikol Pashinian, dhe katër anëtarë të familjes së tij të ngushtë kanë dalë pozitivë në testet për coronavirus.

“Fatkeqësisht, rezultatet e testeve tona janë pozitive”, tha Pashinian gjatë një adresimi të drejtpërdrejtë në Facebook.

Pashinian, 45 vjeç, jeton me gruan dhe tri vajzat e tyre, ndërsa djali shërben në ushtri dhe nuk jeton me familjen.

Pashinian tha se nuk ka simptoma, porse ka vendosur të testohet pasi ka planifikuar një vizitë te trupat ushtarake.

Ai tha se është vetizoluar në rezidencën e tij dhe se do të vazhdojë ta udhëheqë qeverinë nga atje.

Që nga shpërthimi i coronavirusit në Armeni në muajin mars, ky vend ka identifikuar mbi 9,400 raste të të infektuarve dhe 139 viktima./REL

Do NOT follow this link or you will be banned from the site!