Pamje nga ekspozita 'Udhëtim frymëzues i minatorëve'. Foto: KALLXO.com.
Kristalet e Minierës së Trepçës ekspozohen në Muzeun Kombëtar - FOTO
14.2.2023 - 16:05
Është hapur sot në Muzeun Kombëtar të Kosovës (MKK) ekspozita “Udhëtim frymëzues i minatorëve”.
Në këtë ekspozita të përgatitur nga Driton Avdiu, janë ekspozuar mineralet dhe kristalet e famshme të Minierës së Trepçës në Mitrovicë.
Ekspozita është hapur në kuadër të aktiviteteve për shënimin e 15-vjetorit të Pavarësisë së Kosovës, dhe në kujtim të “Javës së minatorëve”.
Ekspozita “Udhëtim frymëzues i minatorëve” është hapur nga Muzeu i Shtetëror i Mineraleve dhe Kristaleve të Trepçës, në bashkëpunim me MKK-në.
Ekspozita do të qëndrojë e hapur deri më 24 shkurt 2023 në MKK.