Foto: Urim Krasniqi/KALLXO.com
KQZ: Sipas KGJK-së 47 kandidatë për deputet janë shpallur fajtor për vepër penale në tri vitet e fundit
20.1.2021 - 13:19
Valmir Elezi zëdhënës i KQZ-së tha se në përgjigjen që e kanë marrë nga Këshilli Gjyqësor i Kosovës, rezulton se 15 nga 28 subjektet politike që kanë aplikuar për certifikim kanë kandidatë të cilët nuk janë në përputhje me nenin 29 të Ligjit për Zgjedhjet e Përgjithshme, germën q, e cila specifikon se kandidat për deputetë nuk mund të jetë një person i cili është shpallur fajtor për vepër penale me një vendim përfundimtar të gjykatës në 3 vitet e fundit.
“Në përgjithësi, janë 47 kandidatë nga rreth 1 080, të cilët janë shpallur fajtor për vepër penale me një vendim përfundimtar të gjykatës në 3 vitet e fundit”, tha Elezi.