Kosova pret Greqinë në stadiumin “Fadil Vokrri”

Pas fitores ndaj Qipros në Larnaca, Kombëtarja e Kosovës do të përballet ndaj Greqisë të dielën e 5 qershorit me fillim nga ora 20:45

Përfaqësuesja e Kosovës do të përballet me Greqinë në kuadër të ndeshjes kualifikuese të Ligës së Kombeve.

Dardanët arritën të merrnin tri pikë nga ndeshja me Qipron, pasi fituan me rezultat të pastër 2-0. Nga ana tjetër, grekët triumfuan ndaj Irlandës me rezultat 1-0.

Ndeshja e së dielës shënon herën e pestë të përballjes së këtyre dy kombëtareve.

Kosova synon që ta marrë fitoren e parë sonte ndaj grekëve, ndërsa mysafirët(grekët) synojnë të mos mposhten në kryeqytetin kosovar, Prishtinë.

Stadiumi ‘Fadil Vokrri’ pritet të jetë i stërmbushur, pasi tanimë të gjitha biletat për këtë sfidë janë shitur.

Biletat për ndeshjen e sotme janë shitur, andaj pritet që stadiumi “Fadil Vokrri” të jetë i stërmbushur që nga fillimi i ndeshjes, nga ora 20:45./PortaliD/