Kombëtarja e Kosovës - Foto: Atdhe MULLA
Kosova ngritët për 5 vende në ranglistën e FIFA-së
12.8.2021 - 15:17
FIFA ka publikuar listën e re të kombëtarëve të futbollit, ku Kosova është renditur në pozitën e 115 apo pesë vende më lartë se në publikimin e fundit.
Me datën 15 qershor Kombëtarja e Kosovës ishte radhitur në vendin e 120 me gjithsej 1152 pikë ndërsa në publikim e fundit Kosova renditet në vendin e 115 me gjithsej 1159 pikë.
Po ashtu edhe Kombëtarja e Futbollit të Shqipërisë ka pësuar ndryshime në krahasim me renditjen e kaluar, ne muajin qershor Shqipëria kishte zënë vendin e 66 me gjithsej 1362 pikë ndërsa në renditjen e fundit zënë vendin e 69-të me gjithsej 1360 pikë.
Ndërsa në top treshen e parë vazhdojnë të qëndrojnë kombëtaret e Belgjikës me 1822 pikë, Brazil me 1798 pikë , dhe të Francës me 1762 pikë.