Kosova me delegacion në Hiroshimë të Japonisë, shënohet Dita Përkujtimore e Paqes

Në Hiroshimë të Japonisë po shënohet Dita Përkujtimore e Paqes.

Atje po merr pjesë edhe një delegacion nga Kosova, kryetari i Drenasit Ramiz Lladrovci, kryetari i Istogut Ilir Ferati dhe dy këshilltarë të presidentes Vjosa Osmani.

Në 79-vjetorin e hudhjes së bombës atomike në Hiroshimë, sipas Presidencës së Kosovës, morën pjesë mbi 100 përfaqësues të shteteve nga e gjithë bota.

“Aty u riafishua rëndësia e ruajtjes së paqes dhe sigurisë anembanë botës” – thuhet në komunikatën e Presidencës.

Delegacioni ka dëgjuar rrëfime të të  mbijetuarve të bombës atomike si dhe ka vizituar vendin në të cilin u hodh ajo.

Mesazh paqeje për qytetarët e Hiroshimës ka dhënë delegacioni i Kosovës.

Ky delegacion kosovar u takua edhe me kryetarin e Hiroshimës, Kazumi Matsui.

Në takim u fol edhe për mundësitë e bashkëpunimit me komunat kosovare.

Krytari i Hiroshimës ftoi dy kryetarët e komunave kosovare që t’i bashkohen Rrjetit global të paqes “Mayor for Peace”.