FOTO: Shtabi i Përgjithshëm i FSK-së
Kosova edhe këtë vit me kadet në Akademitë Ushtarake në SHBA
29.4.2021 - 14:07
Enderon Vuthaj dhe Arlind Shefiku janë përzgjedhur për Akademinë e Forcave Ajrore dhe Akademinë Ushtarake të SHBA-së West Point.
Shtabi i Përgjithshëm i Forcës së Sigurisë së Kosovës ka njoftuar se kjo përzgjedhje është bërë në kuadër të bashkëpunimit, partneritetit dhe mbështetjes së vazhdueshme nga SHBA.
“Forca e Sigurisë së Kosovës është mirënjohëse për bashkëpunimin dhe mbështetjen e vazhdueshme të SHBA-së, në ngritjen e aftësive dhe kapaciteteve bazuar në Planin Gjithëpërfshirës të Tranzicionit”, shkruan Shtabi i Përgjithshëm i Forcës së Sigurisë së Kosovës në rrjetin social në Facebook.