‘Kopilani’ romani i ri i Çun Lajçit

Aktori i njohur Çun Lajçi, ditë më parë ka nxjerrë nga shtypi romanin e tij më të ri, “Kopilani”.

Romani ka për subjekt shitësin, Çunin, i cili me një valixhe përplot romane të tija, endet nëpër qytete shqiptare për t’i shitur ato.

I shkruar në një kohë mjaft të veçantë, romani sjell një tematikë mjaft interesante, rrethanat e krijuara nga pandemia, simbolikisht flet për anomalitë e korrupsionin që ka përfshirë shoqërinë shqiptare në dekadat e fundit.

Ndër të tjerash romani sjell edhe përvojën e autorit gjatë udhëtimit të tij në qytetet shqiptare për të shitur librat e tij.

Deri më sot Lajçi ka botuar disa vepra letrare.