Konkurs për punë praktike për gazetarë të rinj dhe studentë të gazetarisë në BIRN

Rrjeti Ballkanik për Gazetari Hulumtuese (BIRN) shpallë thirrjen për angazhimin e 2 praktikantëve nga Kosova të cilët janë të interesuar të ndjekin një karrierë në gazetari.

Kriteret për Aplikim:

Për të aplikuar dhe për të përmbushur pozitën, kandidati/ja duhet:

Të jetë entuziast dhe të ketë vullnet për të nisur profesionin në gazetari
Të ketë aplikuar apo të jetë student i regjistruar në degët e gazetarisë, juridikut, shkencat shoqërore apo fushave të ngjashme që ndërlidhen me gazetari
Të ketë njohuri të mira të të shkruarit në gjuhën amtare
Të ketë njohuri të mira në një gjuhë të huaj (preferohet gjuha angleze)
Posedimi i diplomës së studimeve Bachelor në gazetari apo fushave të ngjashme është përparësi

Detyrat dhe përgjegjësitë:

Kandidatët e suksesshëm do të jenë përgjegjës për:

Përmbushjen e detyrave dhe obligimeve gazetareske
Përgatitjen dhe hulumtimin e materialeve për publikim
Ndjekjen e trajnimeve të vazhdueshme nga BIRN

Koha e angazhimit

Kandidatët e përzgjedhur do të angazhohen në praktikën me pagesë për një periudhë 3 mujore në zyrat e BIRN.

How to apply?

Për të aplikuar duhet të dërgoni një Curriculum Vitae (CV) dhe një letër motivimi përmes postës elektronike në adresën [email protected] , duke shkruar emrin, mbiemrin dhe pozitën për të cilën aplikoni, më së largu deri më 1 shkurt 2022, ora 23:59. Inkurajoheni që të dërgoni dokumente të tjera që dëshmojnë përvojën.

BIRN inkurajon aplikuesit nga të gjitha gjinitë, si dhe ofron mundësi të barabartë angazhimi për të gjithë personat e interesuar pa kurrfarë paragjykimi mbi baza gjinore, fetare, etnike ose politike, apo ndonjë bazë tjetër.

“Projekti ‘Confidence Building’ financohet nga UNMIK”