Foto: Xhelal Sveçla/Facebook
Konfiskohen 272 paisje për prodhim të kriptovalutave, arrestohet një person (FOTO)
Policia e Kosovës më kërkesë të Doganës ka organizuar një aksion ku janë konfiskuar 272 paisje për prodhim të kriptovalutave dhe është arrestuar një person.
Aksioni u zhvillua në afërsi të fshatit Trebice të Leposaviqit.
Këtë e ka bërë të ditur ministri i Punëve të Brendshme, Xhelal Sveçla. Sveçla ka njoftuar aksioni u zhvillua dhe përfundoi pa incidente.
“Aksione të këtilla do të vazhdojnë deri në implementimin e plotë të vendimit të Kuvendit dhe Qeverisë së Republikës”, ka shkruar ai në Fcebook.
Qeveria e Kosovës ditë më parë kishte marrë vendim lidhur me ndalimin e prodhimit të kriptovalutave për shkak të gjendjes emergjente me furnizim me energji në të cilën ndodhet Kosova.
Kallxo Pernime kishte publikuar hulumtimin se si në katër komunat veriore është duke lulëzuar veprimtaria e prodhimit të kryptovalutave përmes pajisjeve teknologjike të cilat shpenzojnë sasi të madhe të energjisë elektrike.
Katër komunat veriore, Mitrovicë e Veriut, Zubin Potok, Zveçan e Leposaviq tash e disa vite nuk paguajnë energji elektrike dhe kjo i ka bërë këto qytete shënjestër e grupeve që merren me këtë veprimtari.
Më poshtë mund ta gjeni emisionin e plotë që është publikuar në maj të këtij viti.