Konfirmohen 12 raste të reja me COVID-19

Sipas të dhënave nga Instituti Kombëtar i Shëndetësisë Publike të Kosovës (IKShPK), në 24 orët e fundit janë konfirmuar 12 raste të reja me virusin COVID-19 , kurse gjatë kësaj kohe nuk është shënuar asnjë rast i vdekjes.

Sot janë shëruar 21 qytetarë, derisa numri i përgjithshëm i të shëruarve është 225,034 kurse në total numri i rasteve aktive është 148.

Sipas të dhënave, në 24 orët e fundit janë dhënë 128 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 1,828,610 doza të vaksinës.

Deri më sot 822,891 qytetarë janë vaksinuar me dozën e dytë.

Deri më sot janë dhënë 102,604 doza përforcuese dhe doza të treta të vaksinës kundër COVID-19.