Komuna e Prishtinës gjobit PDK-në me dy mijë euro
29.1.2021 - 16:22
Partia Demokratike e Kosovës është gjobitur me dy mijë euro nga Komuna e Prishtinës.
Kështu ka bërë të ditur, Adonis Tahiri, drejtor i Inspekcionit në komunën e Prishtinës.
Ai ka thënë se arsyet për gjobën, janë shkelja e masave të qeverisë për mbrojtje kundër pandemisë COVID-19.
“Askush mbi ligjin! Grumbullim i më shumë personave sesa lejohet; Maska jo; Distancë jo; Gjobë po!,” ka shkruar Tahiri.
Komuna e Prishtinës ka dhënë gjoba të tilla edhe për partitë tjera të cilat organizuan tubime zgjedhore.