Komuna e Prishtinës e gjobit dhe ia ndërpren punimet kompanisë ndërtimore për hedhje të mbeturinave
29.10.2019 - 18:33
Komuna e Prishtinës ka gjobitur një kompani ndërtimore me dyshimin se kanë hedhur mbeturina inerte nga katet e sipërme të ndërtesës gjatë punimeve.
Kështu ka bërë të ditur drejtori i Inspeksionit në Komunën e Prishtinës , Adonis Tahiri.
Ai ka thënë se kjo shkakton ndotje dhe rrezik.
Gjoba e shqiptuar është me vlerë 500 euro e përveç kësaj, kompanisë i janë ndërprerë punimet ndërtimore derisa të ndërmerren masat adekuate për largimin e materialit inert.