Komuna e Ferizajt njofton se parambrëmjet nuk janë të organizuara nga shkollat

Komuna e Ferizaj ka njoftuar se organizimet të njohura si parambrëmje për nxënësit e klasave të 12-ta nuk janë të planifikuara nga institucionet arsimore.

“Duke mos qenë organizim shkollor, njoftohen prindërit se përgjegjësia për pjesëmarrjen e fëmijëve të tyre në këto organizime është përgjegjësi e tyre”- thuhet në njoftimin e Komunës së Ferizajt.

Tutje është bërë e ditur se për këto organizime është njoftuar Policia e Kosovës.

Shkollat e mesme për nxënësit e klasave të 12-ta organizojnë një aheng në fund të vitit shkollor dhe e quajnë mbrëmja e maturës.