Komuna e Drenasit njofton për gjendjen e rrugëve

Komuna e Drenasit ka njoftuar se të gjitha rrugët në Drenas janë të kalueshme.

Drejtoria për Shërbime Publike dhe Emergjencë (DShPE) njofton të gjithë qytetarët e Komunës së Drenasit se të gjitha rrugët kryesore janë të pastruara e të kalueshme, e po ashtu edhe ato dytësore.

“Drejtoresha e Shërbimeve Publike dhe Emergjencë, Lumnije Krapi, së bashku me gjithë ekipin, organin mbikëqyrës, menaxherët dhe operatorët ekonomikë të kontraktuar për mirëmbajtjen e rrugëve, pas reshjeve të djeshme të borës kanë dalë në terren dhe kanë inspektuar rrugët në Komunën e Drenasit”, thuhet në njoftimin e Komunës.