KMDLNj kërkon pezullimin e dialogut me Serbinë

Këshilli për Mbrojtjen e të Drejtave dhe Lirive të Njeriut ka vlerësuar se bisedimet me Serbinë duhet të pezullohen për një kohë tjetër.

Ky reagim i KMDLNj-së ka ardhur ardhur pas bërjes publike të aktakuzës për krime kundër njerëzimit nga Prokurori i Specializuar, ndaj Presidentit Hashim Thaçi dhe kryetarit të PDK-së, Kadri Veselit.

“Pas bërjes publike së propozim aktakuzës, pa konfirmim nga gjykatësi i procedurës paraprake e që paraqet shkelje të rëndë të procrdures dhe, pa asnjē dyshim shkelje të rëndë të të drejtave të njeriut ndaj presidentit Hashim Thaçi dhe ish kryetarit të Kuvendit si dhe liderit të PDK-së, Kadri Veseli, në Kosovë u krijua një gjendje e re që rrënjësisht i ndryshon prioritetet”, thuhet në komunikatën e këtij këshilli.

KMDLNj tutje thekson se “duket qartazi se dikush nga ata që janë vendimmarrës në aspektin global” nuk ka qenë i interesuar që të vazhdojnë bisedimet në përbërjen e mëparshme.

“Goditja nga Gjykata Speciale kishte një porosi dhe qëllim shumë politik dhe fare pak juridik; imponimi i vazhdimit të bisedimeve për Kosovën në kushte krejtësisht të pabarabarta dhe favorizimi i Serbisë kur ajo ka ekip përfaqësues të nivelit më të lartë e që Kosova nuk e ka.”, thuhet mes tjerash në reagim.

Pas aktakuzës së Speciales, është anuluar takimi i Washingtonit i cili ishte paralajmëruar të mbahej më 27 qershor e që në njëfarë mënyre riniste dialogun mes Kosovës dhe Serbisë me ndërmjetësim të ShBA-së.

Ndërkaq, këtë muaj është paralajmëruar një takim në Paris të Francës që do të ketë në fokus raportet mes Kosovës dhe Serbisë.

Më poshtë e gjeni të plotë komunikatën e KMDLNj-së:

BISEDIMET ME SERBINË DUHET TË PEZULLOHEN PËR NJË KOHË TJETËR!

Pas bërjes publike së propozim aktakuzës , pa konfirmim nga gjykatësi i procedurës paraprake e që paraqet shkelje të rëndë të procrdures dhe , pa asnjē dyshim shkelje të rëndë të të drejtave të njeriut ndaj presidentit Hashim Thaçi dhe ish kryetarit të Kuvendit si dhe liderit të PDK-së, Kadri Veseli, në Kosovë u krijua një gjendje e re që rrënjësisht i ndryshon prioritetet.

Duket qartazi se dikush nga ata që janë vendimmarrës në aspektin global nuk ka qenë i interesuar që të vazhdojnë bisedimet në përbërjen e mëparshme. Goditja nga Gjykata Speciale kishte një porosi dhe qëllim shumë politik dhe fare pak juridik ; imponimi i vazhdimit të bisedimeve për Kosovën në kushte krejtësisht të pabarabarta dhe favorizimi i Serbisë kur ajo ka ekip përfaqësues të nivelit më të lartë e që Kosova nuk e ka. U bë mirë që kryeministri Hoti nuk shkojë në Ëashington, do të bënte edhe më mirë të mos shkonte as në Paris sepse, me një ekip të cunguar negociues, nuk do të kishte as kredibilitet dhe as të drejtë , jo që të merr ndonjë vendim të madh por as edhe të bisedojë për vendime të ” mëdha “.

Kryeministri Hoti, duke u thirrur në vendimin e Gjykatës Kushtetuese të Kosovës, mund të ketë edhe të drejtë , mirëpo , për shkak të rrethanave të imponuara, kryesisht për shkaqe politike, Kosova duhet të pezullojë bisedimet me Serbinë , deri në një kohë tjetër përkundër insistimit të Frances dhe Gjermanisë, në emër të BE-së e cila , së paku deri më tani është treguar e padrejtë ndaj qytetarëve të Kosovës duke ua pamundësuar lirinë e lëvizjes. Kosova aktualisht po përballet me probleme shumë më të rëndësishme se që kanë bisedimet me një shtet armiqësorë siç është Serbia ; lufta kundër pandemisë së shkaktuar nga COVID-19  dhe varfërimi i skajshëm i pjesës dërrmuese të qytetarëve të saj.

Qeveria aktuale ka mungesë të madhe të kapacitetit negociues sikur që eshtë shumë e brishtë, për shkak të numrave dhe përbërjes në aspektin e qëndrueshmërisë prandaj nuk e bënë aspak tē besueshme në procesin negociues aq më parë që po përballet me probleme të mëdha në menaxhimin e pandemisë ku situata vetëm ka përshkallëzuar. Nëse nuk sigurohet një qeveri me përfaqësim të gjerë ku opozita do ta kishte vendin e merituar në përputhje me fuqinë e votës atëherë duhet të mendohet seriozisht për zgjedhje të reja. Kjo qeveri,  me këtë forcë të votës që nuk e ka, as nuk duhet të bisedojë e lëre më të marr vendime për një marrëveshje të madhe me Serbinë kur Kosova, falë rrethanave të imponuara është në një defansivë të plotë. Kryeministri Hoti duhet të lirohet nga entusiasmi i çastit dhe duhet të përballet me realitetin që nënkupton se asgjë nuk mund të bejë pa opoziten. Për monentin bisedimet nuk paraqesin asnjë prioritet apo interes për Kosovën sepse qytetarët e saj po përballen me shkeljen e të drejtes elementare të njeriut; e drejta për jetë e cila përbën themelin mbi të cilin ndërtohen të gjitha të drejtat tjera.