Kjo është gjendja e të plagosurit në Tregun e Veturave
28.7.2019 - 13:19
Një person është plagosur sot me armë zjarri në tregun e veturave në Prishtinë.
Rastin për portalin rtv21.tv e ka konfirmuar zëdhënësja e Policisë për Rajonin e Prishtinës, Florie Ahmeti.
Viktima ishte dërguar në QKUK për trajtim mjekësor.
Ndërkohë, shefi i Qendrës Emergjente, Gëzim Mustafa për portalin rtv21.tv ka treguar se gjendja e pacientit është jashtë rrezikut për jetë.
“Pacienti i është nënshtruar intervenimit kirurgjik në sallën operative të Emergjencës nga ekipi i kirurgjisë abdominale, ata na thanë është jashtë rrezikut për jetë”, ka thënë Mustafa.
Ndërsa, Policia është duke punuar për identifikimin e personit të dyshuar./21Media