KFOR-i monitoron kufirin administrativ përmes ajrit

KFOR-i ka monitoruar situatën në vijën kufitare administrative përmes patrullimit me helikopterë.

“Anëtarët e Komisionit të Përbashkët Zbatues të Komandës Rajonale në Lindje të misionit KFOR-it të udhëhequr nga NATO kryen një patrullë ajrore për të monitoruar situatën përgjatë vijës kufitare administrative” – ka shkruar misioni paqeruajtës i NATO-s në Facebook.

Këto aktivitete, KFOR thotë se ndihmojnë në promovimin e sigurisë së qëndrueshme për të gjitha komunitetet lokale dhe për të konsoliduar stabilitetin rajonal.