Foto: KALLXO.com

Këto lagje të Prishinës, nesër gjithë ditën s’do kenë ujë

Tri lagje të Prishtinës do të mbesin pa ujë të pijes gjatë ditës së nesërme, për shkak të punimeve teknike në gypin magjistral Badoc-Prishtinë, ka njoftuar KRU “Prishtina”.

Kompania Rajonale e Ujësjellësit thotë se gjatë ditës së nesërme, nga ora 10:00 deri në orën 18:00 pa ujë të pijshëm do të mbesin, “Lagjja e Spitalit”, “Mati 1” dhe “Bregu i Diellit”.

“Të nderuar konsumatorë, ju njoftojmë se gjatë ditës së nesërme do të realizohen punime teknike në gypin magjistral fi 600 mm Badoc – Prishtinë. Realizimi i punimeve të tilla bëhet gjithnjë për funksionim më të mirë të infrastrukturës së rrjetit të ujësjellësit. Gjatë ditës së nesërme, 10 tetor 2021 duke filluar nga ora 10:00-18:00 pa furnizim me ujë të pijshëm do të mbesin: Lagjja e Spitalit, Mati 1 dhe Bregu i Diellit në Prishtinë. Ua kujtojmë se, kur kemi punime të tilla në gypa më të mëdhenj, në moment që uji vjen në krojet tuaja duhet lënë të rrjedhin për pak minuta për shkak që mund të vjen i turbullt , deri në shpërlarjen e linjës”, ka njoftuar KRU “Prishtina”.