Këto janë dy ndeshjet gjysmëfinale të Kupës së Kosovës në futboll
31.3.2022 - 13:43
Është hedhur shorti për ndeshjet gjysmëfinale të Kupës së Kosovës në futboll.
Në këtë rang të garave për trofeun e Kupës së Kosovës po garojnë KF Prishtina, KF Llapi, Ramiz Sadiku dhe FC Drita.
Në bazë të shortit të hedhur ditën e sotme rreth orës 13:00, në gjysmëfinale pritet të takohen KF Prishtina- KF Llapi dhe FC Drita dhe Ramiz Sadiku.
Ndeshjet e para gjysmëfinale pritet të zhvillohen me 7 prill ndërsa ato të kthimit me 13 prill.
Fitues i edicionit të kaluar 2020/21 ishte pikërisht ekipi i Llapit që mposhti Dukagjinin pas ekzekutimit të penalltive pasi që ndeshja e rregullt përfundoi 1:1.
Fituesi i kupës së Kosovës siguron pjesëmarrjen në kualifikimet për Europa League.