Këshilltari i Thaçit kundër emërimit të Lajçakut
26.2.2020 - 19:47
Këshilltari i presidentit të Kosovës, Bekim Çollaku, është shprehur kundër emërimit të Miroslav Lajçakut si i dërguar special i Bashkimit Europian për bisedimet Kosovë – Serbi.
Çollaku përmes një shkrimi në rrjetin social ‘Twitter’, ka thënë se roli i BE-së në dialog varet nga besueshmëria e tij në Kosovë.
“Nuk ka liberalizim të vizave pavarësisht plotësimit të kushteve të padrejta dhe asimetrike së bashku me emërimin e një të dërguari nga një vend që nuk e njeh janë përbërësit kryesorë të një recete për dështim”, ka shkruar Çollaku në ‘Twitter’.