Kërkohet paraburgim për të dyshuarin për dhunim të një vajze 12 vjeçare
20.10.2021 - 13:48
Prokuroria Themelore në Gjilan, ka kërkuar caktimin e masës së paraburgimit, nga Gjykata Themelore në Gjilan, kundër të pandehurit M.J. i dyshuar se ka kryer veprën penale dhunim.
Prokuroria e Gjilanit ka bërë të ditur se i dyshuari gjatë muajit tetor, ka keqpërdorur seksualisht një vajzë të mitur të moshës 12 vjeçare.
“Ekziston dyshimi i bazuar se i pandehuri M.J., gjatë muajit tetor 2021, në komunën e Kamenicës, e ka keqpërdorur seksualisht të miturën e moshës 12 vjeçare. Me urdhër të Prokurorit të Shtetit, i pandehuri gjendet nën masën e ndalimit 48 orësh”, thuhet në njoftimin e Prokurorisë së Gjilanit.