Foto: Urim Krasniqi/KALLXO.com
Kënd e përkrahu diaspora për kryetar të Gjilanit?
Në Qendrën e Numërimit dhe Rezultateve sot janë numëruar votat e ardhura me postë për kandidatët për kryetar të Komunës së Gjilanit.
Në bazë të rezultateve të këtyre votave, kandidati më i votuar nga ana e diasporës është kandidati i LVV, Alban Hyseni, me 199 vota.
Ndërsa, kandidati i LDK-së, Lutfi Haziri, ka marrë 99 vota.
Kandidatët e tjerë, Nazim Gagica nga AAK ka marrë 1 votë, Lulzim Bexheti 4 vota, Gani Neziri 1 votë dhë kandidatja e PDK-së, Leonora Morina Bunjaku 20 vota.
Dy partitë e para, LVV me 44,43% dhe LDK më 43,81% do të ballafaqohen në balotazh.
Kurse, PDK në zgjedhjet e 17 tetorit në Gjilan ka dalë partia e tretë më 3,438 vota apo 8,24%.
Sot ka përfunduar numërimi i votave të ardhura nga jashtë gjatë periudhës njëmuajshe 15 shtator – 15 tetor 2021.
Zgjedhjet për kryetar të komunës janë mbajtur të dielën, më 17 tetor.
Sipas rezultateve preliminare të shpallura Komisioni Qendror i Zgjedhjeve, deri më tani 21 komuna do të shkojnë në balotazh. Ndërsa, 17 prej tyre deri më tani sipas rezultateve preliminare i kanë më shumë se 50 për qind të votave.