Katër të lënduar nga një aksident në rrugën Mitrovicë – Prishtinë
06.8.2024 - 15:19
Katër persona janë lënduar si pasojë e një aksidenti që ka ndodhur mesditën e së martës (06.08.2024) në rrugën nacionale Mitrovicë – Prishtinë.
Lajmi për KALLXO.com është konfirmuar nga zëdhënësi i Policisë së Kosovës për rajonin e Mitrovicës së Jugut, Avni Zahiti.
Zahiti ka thënë se aksidenti ka ndodhur rreth orës 12:00 në segmentin rrugor në fshatin Deberlluke.
Ai tha se në aksident janë përfshirë dy vetura civile dhe janë shkaktuar edhe dëme materiale.
