Katër të lënduar në një aksident trafiku në autostradën “Arbën Xhaferi”

Një aksident trafiku ka ndodhur mbrëmjes e së premtes, më 09.08.2024, në autostradën “Arbën Xhaferi”, në aksin Ferizaj-Prishtinë.

Lajmi është konfirmuar për KALLXO.com nga Bajram Krasniqi, zëdhënës i Policisë së Kosovës.

Krasniqi ka thënë se katër persona kanë mbetur të lënduar nga ky aksident.

“Rreth orës 21:50, policia është njoftuar për një aksident trafiku të ndodhur në autostradën ‘Arbën Xhaferi’  (Ferizaj-Prishtinë). Në aksident janë përfshirë dy vetura dhe si pasojë e aksidentit katër persona kanë kërkuar ndihmë mjekësore”- ka thënë zëdhënësi Krasniqi

Sipas tij, njësia përkatëse policore është duke u marrë me rastin.