Katër të dyshuar rrahin një person në Malishevë
28.8.2020 - 12:32
Një person ka marrë lëndime të rënda trupore pasi është rrahur nga katër të dyshuar.
Ngjarja ka ndodhur dje në rrugën “Skenderbeu” në Komunën e Malishevës.
Të dyshuarit për shkaqe të panjohura kishin rrahur viktimën me mjete të forta e më pas i kishin dëmtuar edhe veturën.
Si pasojë e rastit viktima ndihmën e parëmjekësore e ka marrë në QKMF-në në Malishevë e më pas për tretman të mëtejmë mjekësor është dërguar në QKUK.
Të dyshuarit pas intervistimit me vendim të prokurorit janë dërguar në mbajtje.