COVID-19 - Ilustrim: Naser Fejza
Katër persona të vdekur nga COVID-19 në 24 orët e fundit
18.9.2020 - 15:02
Instituti Kombëtar i Shëndetësisë Publike ka njoftuar se sot janë shënuar edhe katër raste të vdekjeve në Kosovë nga COVID-19.
Vdekjet janë 2 raste nga Klinika Infektive, 1 rast nga spitali rajonal Prizren dhe 1 rast nga spitali rajonal Pejë.
Numri i përgjithshëm i vdekjeve deri sot ka arritur në 611.
Gjatë 24 orëve të fundit, në Laboratorin e Mikrobiologjisë Molekulare në IKShPK dhe në laboratoret private me metodën RT-PCR, janë testuar gjithsej 678 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 57 raste pozitive.